یاره دؤره‌گه
چه‌نێ بێ مه‌یله یاره دؤره‌گه‌ێ م ئه‌ڕا دڵ خه‌م ژه‌نێ سه‌متؤره‌گه‌ێ م په‌ژ‌اره‌گان وه رز تیه‌ن تا خه‌ێاڵ شه‌وه‌یل بێ چراخ سؤره‌گه‌ێ م
ماسی دڵ
نه‌ده‌و، كه‌س مهر نیه‌زانی نێادنه پاد نه‌چوو تاگه‌ر خڵێف بخوه‌م له ژێرساد یه له خوه‌زێه‌وه‌گان ئومر ئیمه‌س ك ماسیێ دڵم په‌رت بوو له ده‌لیاد
له شووند
خه‌وه‌ر نه‌ێری له ئێ چین و وسانه خه‌وه‌ر نه‌ێری له كاره‌یل زه‌مانه خه‌وه‌ر نه‌یری ك رووژێ تێ منیش چم تمام بوودن هناس ئێ ژیانه
هؤر وه‌هار
له ئه‌و رووژه ك چیده ژان دێرم به‌ش شیشه‌ێ ژیانم سان دێرم م كوومه كوومه هؤر سه‌وز وه‌هار له ناو ساڵه‌یل بێ واران دێرم
ئاوایی خه‌م
له ناو ئێ دڵته‌نگان ئاوایی خه‌م سیه‌ماڵم كوتامه له جی خه‌م چه‌نێگه ساڵ و مانگ ئێجووره سه‌ر چوو چه‌وه‌یلم كز ده‌سم ها وژنی خه‌م
هناسه
ده‌سم بگر وڵم نه‌كه‌ی هناسه په‌ژاره‌د له دڵم نه‌كه‌ی هناسه ده‌سم بگر م له گوم بؤن رخم چوو م دؤرا له خڵم نه‌كه‌ی هناسه
هه‌ێ دووس
ت بهو شاند بێه وه شانم هه‌ێ دووس بێه پاپێڵه وه چاوانم هه‌ێ دووس هه‌رچه‌ن زانم ت ده‌رده‌كووڵ دونیای گشتێ ده‌رده‌یل ت له گیانم هه‌ێ دووس
بێ ت
هه‌رچێگه ژیه‌یم خاوه بێ ت پاماڵ شه‌وه‌یل پڕ ئه‌زاوه بێ ت كه‌م بؤش بچم مه‌گه‌ر نیه‌زانی ئێ حاڵ دڵه خراوه بێ ت
گوورانی وا
له وه‌زن و هجا له نوو بنؤسیم له كار خودا له نوو بنؤسیم بهو ده‌س بخه شان شێعره‌گانم گوورانی وا له نوو بنؤسیم
مانگه‌شه‌وه‌یل كه‌ڵهر
كوورپه‌ێ دڵمان له شوون چێند خڕ كه‌ێ ئه‌و مانگه‌شه‌وه‌یل نووچه‌و كه‌ڵهڕ كه‌ێ تا باڵ بژانگ خوه‌د دواره هێز ده‌ید هه‌رچێگه خه‌و و هه‌رچێ خێاڵه فڕ كه‌ێ
نه‌وار واران
نه‌وار واران وڵاتم ته‌رفه‌تؤنه دڵ رووڵه‌ێ وڵات ئیمه خؤنه نه‌وار ئه‌ێ ئه‌ور ته‌نیاێ پڕ په‌ژاره نه‌وار ئه‌سرد له رؤ ئێ سه‌رزه‌مینه
گوم بؤمه
نه‌وار ژان دێرم هه‌ێ واران ئمشه‌و رشیامه چؤ گلاێ داران ئمشه‌و م مانگ پایزان پڕ له عشقێ ك گوم بؤمه له وه‌هاران ئمشه‌و
عضو شوید
عضویت سریع
آمار مطالب
آمار بازدید
